Brian Dennehy
Brian Mannion Dennehy (* 9. Juli 1938 in Bridgeport, Connecticut; † 15. April 2020 in New Haven, Connecticut[1]) weer en US-amerikaanschen Schauspeler. De Charakterdorsteller mit sien kräftigen Statur weer vör allen in de 1980er Johren in en Reeg vun bekannte Filmen to sehn, wo he faken gote Nevenrullen speelt hett.
![](http://upload.wikimedia.org/wikipedia/commons/thumb/3/34/Brian_Dennehy_DF-SD-05-12671.jpg/220px-Brian_Dennehy_DF-SD-05-12671.jpg)
Leven un Wark
ännernDennehy hett an de Columbia University in New York City studeert. Sien eerste lütte Rull hett he 1977 in de Feernsehfolg „The Godson“ vun Kojak speelt, sien eerste Filmrull weer in’t glieke Johr in Looking for Mr. Goodbar. Wietere bekannte Filmen, in de he mitspeelt hett, weern de Thriller Gorky Park vun 1983 mit Lee Marvin oder F/X (1986), in den he een vun de Hööftrullen harr. 1987 harr he de Rull vun en doodkranken Architekten in den Film The Belly of an Architect, wat een vun sien bekanntsten Rull is. An de Siet vun Harrison Ford weer he 1989 in den Film Presumed Innocent. Tosamen nahmen weer he an mehr as 150 Film- un Feernsehprodukschonen bedeeligt un is jümmer noch aktiv in’t Gewarf.
2005 weer Dennehy im Lyric Theatre in London in dat Theaterstück Death of a Salesman to sehn.
In’t Johr 1959 hett he Judith Scheff heiraadt, man de Eh is 1974 wedder scheedt worrn. 1988 hett he denn Jennifer Arnott heiraadt. Ut de eersten Eh hett he dree Kinner. Sien Dochter Elizabeth Dennehy is ok Schauspelersche.
Filmografie (Utwahl)
ännernFilmpriesen
ännernBrian Dennehy weer bit hüüt dörteihn mol för Filmpriesen vörslahn. Mit dree dorvun is he uttekent worrn:
- 2001: de Golden Globe in de Kategorie Best Hööftdorsteller – Mini-Serie oder TV-Film för Death of a Salesman.
- 2001: de Television Producer of the Year Award för Death of a Salesman.
- 2001: de Screen Actors Guild Award in de Kategorie Utermatig Dorstellen in en Feernsehfilm oder Mini-Serie för Death of a Salesman.
Weblenken
ännern- Brian Dennehy in de Internet Movie Database (engelsch)