Pierce Brosnan

Pierce Brendan Brosnan, OBE (* 16. Mai 1953 in Drogheda, Irland) is en irischen Schauspeler. Bekannt worrn is he in de 1980er Johren mit de Feernsehreeg Remington Steele un vun 1994 af as föfften Dorsteller vun de Figur James Bond, den he bit 2002 veermol speelt hett.

Leven

De Öllern vun Pierce Brosnan hebbt sik scheden laten, as he twee Johre oolt weer. Brosnan hett dorophen afwesseln bi sien Grootmudder un bi sien Tante in Navan in’n County Meath leevt. Vun 1965 an leev he denn bi sien Mudder in London, woneem se as Krankensüster arbeiten de.^[1] Eerste Insichten as Schauspeler kreeg he dör sien Schoolutbilln bi de irischen Christlichen Bröder. Af 1973 studeer he Theaterwetenschoppen an’t Drama Centre London. Üm sik to finanzeeren hett he balngento as Helpsmann vun’n Bühnenmanager an’t Royal Theatre arbeit. In’t dat sülve Johr hett de Dramatiker Tennessee Williams vun Brosnan höört un hett em för de Ooropföhren vun sien Stück Red Devil Battery Sign besett. Dorna harr he Optreden in Filumina un annere as ok lütte Statistenrullen bi’t Feernsehn.

Mit de Krimireeg Remington Steele keen sien internatschonalen Dörbrook. De Feernsehreeg is 1986 na de veerten Staffel instellt worrn as dat Problemen mit den Produzenten, aver ok mit de Partnersche vun Brosnan, Stephanie Zimbalist, geev. To de glieken Tiet weer Albert Broccoli, de Produzent vun de Bond-Reeg, op de Söök na en ne’en Hööftdorsteller weer. Brosnan weer de Rull toeerst andragen, man he künn nich annehmen, vun wegen dat he to’n Anfang vun’n Dreih vun The Living Daylights noch bi Remington Steel ünner Verdrag weer un de Produzenten em nu doch för en föffte Staffel hebben wulln. Vun disse föfften Staffel sünd denn aver doch blots noch söss Folgen dreiht worrn, so dat Brosnan de Rull also doch harr spelen künnt. An sien Steed is de Rull aver nu an Timothy Dalton geven worrn.

Twüschendör is he mit annere Filmen as The Fourth Protocol oder The Deceivers to’n Weltstar worrn. In de Johren 1992 un 1993 harr he mit de Filmen The Lawnmower Man un Mrs. Doubtfire ok kommerziellen Spood. 1994 hett he denn doch noch de Rull vun James Bond kregen den he veermol speelt hett. Dorneven hett he ok in annere spoodrieke Filmen mitspeelt.

Brosnan geev 2004 bekannt, dat he nich mehr för de Rull vun James Bond praat stünn. An sik schüll mit em noch en föfften Film dreiht warrn. Dat sülve Johr kreeg he de US-amerikaansche Staatsbörgerschop. 2008 weer he tosamen mit Meryl Streep in de Verfilmen vun’t ABBA-Musical Mamma Mia! to sehn.

Privat

Brosnan hett 1980 sien Fro Cassandra Harris heiraat, de 1987 an Kreeft krank worrn is. Se is 1991 storven, worophen Brosnan en Stiftung för de Kreeftforschen grünnt hett. Ut de Eh hett Brosnan en Söhn un hett wieter ok ehr beiden Kinner ut eerste Eh adopteert.

Siet 2001 is Brosnan mit de Journalistin Keely Shaye Smith verheiraat, mit de he twee Kinner hett. Tosamen sett se sik bannig för’n Ümweltschuul in. Bito is he Liddmaat vun de Sea Shepherd Conservation Society un ünnerstütt de Sellschop aktiv.^[2]

Filmografie (Utwahl)

Johr	Titel	Synchroonsnacker
1980	Murphy’s Stroke, Feernsehn
1981	The Manions of America, Feernseh-Minireeg dt.: Die Manions aus Amerika	Frank Glaubrecht
1986	Nomads dt.: Nomads – Tod aus dem Nichts	Frank Glaubrecht
1982-87	Remington Steele, Feernsehreeg	Frank Glaubrecht
1987	The Fourth Protocol dt.: Das vierte Protokoll	Frank Glaubrecht
1988	Taffin dt.: Ein Mann wie Taffin	Frank Glaubrecht
1988	The Deceivers dt.: Das Geheimnis der Ritualmorde	Frank Glaubrecht
1989	Bloody Stones, Feernsehn dt.: Der Gentleman-Cou	Rainer Schmitt
1990	Mister Johnson	Reinhard Kuhnert
1992	The Lawnmower Man dt.: Der Rasenmähermann	Joachim Tennstedt
1992	Live Wire dt.: Hydrotoxin – Die Bombe tickt in dir	Joachim Tennstedt
1993	Entangled dt.: Labyrinth – Liebe ohne Ausweg	Frank Glaubrecht
1993	Mrs. Doubtfire dt.: Mrs. Doubtfire – Das stachelige Kindermädchen	Reinhard Kuhnert
1994	Love Affair dt.: Perfect Love Affair	Frank Glaubrecht
1995	GoldenEye	Frank Glaubrecht
1996	The Mirror Has Two Faces dt.: Liebe hat zwei Gesichter	Frank Glaubrecht
1996	Mars Attacks!	Frank Glaubrecht
1997	Dante’s Peak	Frank Glaubrecht
1997	Robinson Crusoe	Frank Glaubrecht
1997	Tomorrow Never Dies dt.: Der Morgen stirbt nie	Frank Glaubrecht
1998	The Nephew dt.: Der amerikanische Neffe	Frank Glaubrecht
1998	Quest for Camelot, Stimm dt.: Das magische Schwert – Die Legende von Camelot	Leon Boden
1999	The Thomas Crown Affair dt.: Die Thomas Crown Affäre	Frank Glaubrecht
1999	The World Is Not Enough dt.: Die Welt ist nicht genug	Frank Glaubrecht
2001	The Tailor of Panama dt.: Der Schneider von Panama	Frank Glaubrecht
2002	Evelyn dt.: Ein Vater kämpft um seine Kinder	Frank Glaubrecht
2002	Die Another Day dt.: Stirb an einem anderen Tag	Frank Glaubrecht
2004	Laws of Attraction dt.: Laws of Attraction – Was sich liebt verklagt sich	Frank Glaubrecht
2004	After the Sunset	Frank Glaubrecht
2005	The Matador dt.: Mord und Margaritas	Frank Glaubrecht
2006	Seraphim Falls	Frank Glaubrecht
2007	Butterfly on a Wheel dt.: Spiel mit der Angst	Frank Glaubrecht
2008	Mamma Mia!	Frank Glaubrecht
2009	The Greatest dt.: The Greatest – Zeit der Trauer	Frank Glaubrecht
2010	Percy Jackson & the Olympians: The Lightning Thief dt.: Percy Jackson – Diebe im Olymp	Frank Glaubrecht
2011	I Don’t Know How She Does It dt.: Der ganz normale Wahnsinn – Working Mum	Frank Glaubrecht
2012	Den skaldede frisør dt.: Love Is All You Need	Frank Glaubrecht
2013	The Love Punch dt.: Wie in alten Zeiten	Frank Glaubrecht
2014	A Long Way Down	Frank Glaubrecht
2014	The November Man	Frank Glaubrecht
2015	No Escape	Frank Glaubrecht
2016	I.T. dt.: Hacked: Kein Leben ist sicher	Frank Glaubrecht
2017	The Only Living Boy in New York
2017-18	The Son, Feernsehnreeg	Frank Glaubrecht

Utteken

Brosnan is bit hüüt 24 mol för Filmpriesen vörslahn wesen, dorünner tweemol för den Golden Globe. Wunnen hett he bit vundaag twölf Priesen, as to’n Bispeel:

1997: sien Steern op’n Walk of Fame
1998: den Saturn-Pries in de Kategorie Best Hööftdorsteller för Tomorrow Never Dies
2000: den Empire Award in de Kategorie Best Schauspeler för The World Is Not Enough
2002: den Pries för’t Levenswark vun’t Chicago International Film Festiva
2004: den Pries för’n rutragen irischen Bidrag to’t Kino vun de Irish Film and Television Awards
2005: den Pries för Leistungen in de Kunst vun’t Malibu Film Festival
2009: de Goldene Himbeer in de Kategorie Slechtst Nevendorsteller för Mamma Mia!

Borns

Weblenken

Pierce Brosnan. Mehr Biller, Videos oder Audiodateien to’t Thema gifft dat bi Wikimedia Commons.

[1] Pierce Brosnan im FR-Interview "Ich war ein Außenseiter": Frankfurter Rundschau vun’n 19. Februar 2010 (afropen an’n 19. Februar 2010)

[2] ttp://www.activistcash.com/biography.cfm/bid/3375

[1]

[2]