Birger Jåstad
Birger Jåstad (fødd 7. oktober 1904 i Leirfjord, død 1984) var ein norsk lyrikar, dramatikar og forfattar, son av forfattaren Lars Jaastad.
| Birger Jåstad | |
 | |
| Statsborgarskap | Noreg |
| Fødd | 7. oktober 1904 Leirfjord kommune |
| Død | 8. desember 1984 (80 år) |
| Yrke | forfattar, politikar, lærar |
| Språk | norsk |
| Politisk parti | Venstre |
| Far | Lars Jaastad |
Jåstad arbeidde som lærar, han hadde utdanning frå treårig lærarskole og eitt år på lærarhøgskolen.
Jåstad hadde fleire tillitsverv. Han var ordførar i Leirfjord kommune 1958-59. Han var dirigent for blandakor på Senja, i Sørreisa og i Leirfjord. Han var formann i Leirfjord venstrelag, formann i Leirfjord overformyndari, formann i representantskapet i Stamnes sparebank og i Alstahaug sparebank. Jåstad var også formann Leirfjord lærarlag og formann i Leirfjord fiskeriforening.
Jåstad debuterte som forfattar med skodespelet Viking fredlaus i 1941. Han gav ut eit titals bøker og var òg representert i fleire antologiar. Jåstad skreiv på nynorsk. Jåstad var med i Nordnorsk Forfatterlag tidleg, og han var ein ofte brukt radiokåsør for NRK.
Utgjevingar
endre- Viking fredlaus. Sogespel i 4 akter. Skodespel for ungdomslag, Fyrste premi i Noregs ungdomslags skodespeltevling 1940, skodespel, Noregs boklag, 1941
- Åtte kveldar i laget, skodespel, sketsjar, Fonna forlag, 1947
- Stabbursungane, barnebok, Noregs boklag, 1974
- Guten med kråkene og endene, barnebok, teikningar av Aashild Havåg, Noregs boklag, 1975
- Moselandet, barnebok, Noregs boklag, 1976
- Rimfrostrit, dikt, Nordnorsk forfatterlag, 1976
- No er det kveld, skodespel, Hålogaland ungdomslag, 1976
- Per går Sjølvtrøddvegen, barnebok, Noregs boklag, 1977
- Kongeørnungen, barnebok, Noregs boklag, 1978
- Nordlyskatten, barnebok, ill. av Terje Jensås, Noregs boklag, 1979
- Borna og dyra ved Reinkalvvatnet, barnebok, teikningar ved Bård E. Valberg, Norsk Barneblad, 1983
- No er det kveld, skodespel, Bladet Midnattsol, 1983 (1.premie i Hålogaland ungdomslags tevling om beste amatørskodespel 1976)
Utmerkingar
endre- Fyrste premi i Noregs ungdomslags skodespeltevling 1940
- Blixprisen 1977
- Kongens fortenstmedalje i sølv.
Bakgrunnsstoff
endre- Bøker av Birger Jåstad digitalisert hos Nasjonalbiblioteket