Flåm stasjon

Flåm stasjon er endestasjonen på Flåmsbana og ligg på Fretheim i Flåm inst i Aurlandsfjorden. Stasjonen, og bana, opna i 1940. Ny stasjonsbygning vart opna i 1992.

Flåm stasjon
Flåm stasjon Foto: Michael Vokabre
Stasjonsområde
Stad	Flåm
Koordinatar	60°51′46″N 7°6′47″E / 60.86278°N 7.11306°E / 60.86278; 7.11306
Distanse	356 km frå Oslo
Høgd	2,0 moh.
Opna	1940
Linjer og rutedrift
Linje(r)	Flåmsbana
Overgang
Buss	Aurlandsvangen, Lærdalsøyri, Gudvangen
Flåm stasjon

Flåm stasjon ligg 356 km frå Oslo (om Roa) og 20,2 km. frå Myrdal stasjon. Stasjonen ligg på 2 moh. medan øvste stasjon på bana, Myrdal stasjon, ligg på 866 moh.^[1]

I den gamle stasjonsbygningen ligg Flåmsbanemuseet. I tilknyting til stasjonområdet ligg Flåm cruiseskiphamn og ferjekai, og Europaveg 16 går ikkje langt unna. Frå kaien går det ferje i heilårsrute til Gudvangen inst i Nærøyfjorden og om sommaren går det snøggbåt til Balestrand og Bergen. Ved stasjonsområdet ligg det også busshaldeplass for bussane til Fjord1 og Norway bussekspress. I området nær stasjonen ligg Fretheim hotel, Flåmsbrygga hotel, pensjonat, campingplass, vandrarheim, hytteutleige, daglegvarebutikk, postkontor, panoramakino, souvenibutikkar og serveringsstader.