John Carew

John Alieu Carew (fødd 5. september 1979) er ein tidlegare norsk landslagsspelar i fotball. Han er 1,93 m høg og veg rundt 90 kg, spelte i hovudsak spiss og er kjend for ekstrem fart og hovudstyrke.

John Carew

Personleg informasjon
Fullt namn	John Alieu Carew
Kallenamn	Lille-John El Vikingo de Ébano (Ibenholtvikingen) Hulken
Fødd	5. september 1979
Fødestad	Lørenskog
Høgd	193 cm
Posisjon	Angrep
Ungdomsklubbar
1997	Lørenskog
Seniorkarriere*
År	Lag	Kampar	(Mål)
1997–1999	Vålerenga	33	(14)
1999–2000	Rosenborg	17	(18)
2000–2004	Valencia	84	(20)
2003–2004	→ Roma (lån)	20	(6)
2004–2005	Beşiktaş	24	(13)
2005–2007	Lyon	35	(10)
2007–2011	Aston Villa	113	(37)
2011	→ Stoke City (lån)	10	(1)
2011–2012	West Ham United	19	(2)
Landslag
1998–2011	Noreg	091 0(24)
* Seniorklubbkampar og mål berre telt for nasjonal liga og oppdatert 18. april 2012 ‡ Landslagsmål oppdatert 21. august 2011

John Carew er fødd i Lørenskog. Far hans er frå Gambia medan mor hans kjem frå Heidal i Gudbrandsdalen i Noreg. Carew debuterte på A-landslaget i 1998, og vart med det den fyrste farga spelaren på det norske landslaget. I periodar har han nekta å spele på landslaget, og då spesielt etter ein episode i Drammen der han utøvde vald mot medspelar (John Arne Riise) etter ei trening.

Carew hadde per desember 2006 spela 59 A-landskampar, og scora 14 mål for Noreg. Frå før hadde han 37 kampar på aldersbestemte landslag.

John Carew fekk Kniksenprisen i 2006 for prestasjonane sine i Olympique Lyonnais i 2005.

22. januar 2007 gjekk Carew over til Aston Villa, som del av ein byttehandel der Olympique Lyonnais fekk Milan Baros. Han var Aston Villa sin toppskårar i Premier League i 2007/08-sesongen, med 13 seriemål.