The Prisoner
The Prisoner (‘Fangen’) er ein britisk TV-serie som blei sendt frå 1967 til 1968, skapt av Patrick McGoohan og George Markstein og med McGoohan i hovudrolla. Serien handlar om ein britisk etterretningsagent som blir bortført etter å ha sagt opp jobben sin. Han blir ført til ein mystisk og isolert by der han blir utsett for psykologiske eksperiment. I byen bur det hundrevis av folk som ikkje har namn og berre er kjende som nummer. Hovudpersonen blir kjend som nummer seks.
| Type | fjernsynsserie | ||
|---|---|---|---|
| Sjanger | science fiction-serie, spionserie | ||
| Opphavsland | Storbritannia | ||
| Sesongar | 1 | ||
| Episodar | 17 | ||
| Lengd | 48 minutt | ||
| Språk | engelsk | ||
| Skapar | Patrick McGoohan, George Markstein | ||
| Manus | Patrick McGoohan, David Tomblin | ||
| Regi | Pat Jackson, Don Chaffey | ||
| Kanal | ITV | ||
TV-serien blei skapt under påverknad frå den politiske paranoiaen som rådde under den kalde krigen, motkulturen og hippiekulturen på 1960-talet, og ei aukande uro for innblandinga frå styresmakter i privatlivet. Han blei spelt inn i Portmeirion i Wales og blei laga i 17 avsnitt på ein time kvar. Han blei sendt på ITV i Storbritannia frå 1. oktober 1967 til 4. februar 1968. Serien blei eit fenomen og har levd att som eit referansepunkt i den britiske populærkulturen.[1]
Medverkande
endre- Patrick McGoohan som nummer seks
- Leo McKern som nummer to
- Colin Gordon som nummer to
- Eric Portmann som nummer to
- Peter Wyngarde som nummer to
- Patrick Cargill som nummer to
- Alexis Kanner som nummer 48
- Kenneth Griffith som Schnipps/presidenten
- Angelo Muscat som butleren
- Peter Swanwick som formannen
- Frederick Pip som admiralen
Kjelder
endre- ↑ Clark, Anthony. «Prisoner, The (1967-68)». BFI Screenonline (på engelsk). Brittiska filminstitutet. Henta 31. oktober 2017.
- Denne artikkelen bygger på «The Prisoner» frå Wikipedia på svensk, den 14. oktober 2023.