Verdscupen i skihopping 2001

Verdscupen i skihopping 2001 omfatta 21 individuelle tevlingar og 4 lagtevlingar. Turneringa tok til med eit storbakkerenn i Kuopio i Finland den 24. november 2000 og vart avslutta i skiflygingsbakken i Planica i Slovenia 21. mars 2001. Dei 21 individuelle tevlingane fordelte seg på 16 i storbakkar og 5 i skiflygingsbakkar.

Adam Małysz frå Polen var suverent best gjennom sesongen og sikra seg den store FIS-premien, med fjorårsvinnar Martin Schmitt frå Tyskland på ein klar andreplass. Małysz sigra i 11 av dei 21 enkeltrenna. Finland sanka fleste poeng av landslaga, Noreg enda på sjetteplassen.