Artalens e Soïn

Era prononciacion qu'ei [arta'lenns] (grafia fonetica deths autors). Eras fòrmas ancianas que son : in Artalense, de Artelensi, en latin, cap a 870, Artalens ath sègle XII o XIII, D'Artalencs en 1342, d'Artalenxis, en latin, en 1379, Artalenx, Artalencx, Artelenx en 1429, Artalens en 1459, Artalens en 1760, Artalens (mapa de Cassini, ara fin deth sègle XVIII)^[1].

Segon Dauzat, Artalens que vien benlhèu deth gallic artòs, « ors », ath sens pròpi o en tant que nom de persona, dab eth doble sufixe al-inco^[2].Segon Negre, Artalens que vien deth nom germanic d'òmi Hartilo, dab eth sufixe germanic -ingos. Segon R. Aymard, era ipotèsi de Negre qu'ei la qui convién milhor^[1].

Segon Miquèu Grosclaude, era proposicion de Negre qu'ei impossibla, pr'amor H- germanic se consèrva en gascon. Era de Dauzat qu'a besonh de dus sufixes e qu'en horneish pas eth sens; eth nom que demòra escur^[1]; tanben, que cau pensar Grosclaude accèpta rarament eras explicacions celticas en Bigòrra. Comparar dab Artassens.

Era prononciacion qu'ei [sou'wi] (grafia fonetica deths autors). Eras fòrmas ancianas que son : Suin en 1168, Soi ath sègle XII o XIII, De Sohi en 1313, Sohii en 1349, de Soyno, en latin, en 1379, Sohy, Soyi, Soii en 1429, Souy en 1768, Souin en 1789, Souin (mapa de Cassini, ara fin deth sègle XVIII)^[1].

Segon Miquèu Grosclaude, que i a en bas-latin un adjectiu suinus, « deth pòrc » que convién foneticament; totun, Jacques Boisgontier qu'èra reservat sus aquera origina; que caleré precisar eth sens : lòc on elèvan pòrcs, porcaria o lòc on i a pòrcs-sanglars ?^[1].

Sent Andrei : grèc Andreas.

modificar « persona »  v · d · m  Evolucion demografica Populacion comunala actuala (2013): 134, totala: 135
1793	1800	1806	1821	1831	1836	1841	1846	1851
						264	-	-
1856	1861	1866	1872	1876	1881	1886	1891	1896
-	-	-	-	300	-	-	-	-
1901	1906	1911	1921	1926	1931	1936	1946	1954
-	-	232	-	-	-	-	-	-
1962	1968	1975	1982	1990	1999	2006	2007	2008
138	135	122	115	120	110	108	108	108 110
2009	2010
103 105	107 109
Fonts
Base Cassini de l'EHESS (recercar) - Nombre retengut a partir de 1962 : Populacion sens comptes dobles - Sit de l'INSEE

• En 2018 la populacion èra de 129 abitants e la densitat èra de 33,08 ab/km².

• Comunas deths Hauts Pirenèus

1. ↑ ^{1,0 1,1 1,2 1,3} et ^1,4 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=892&titre=artalens-souin
2. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 30, a Artagnan

• Portau de Gasconha