Gonzalo Higuaín

Gonsalo argentinalik professional futbolchi oilasida tugʻildi. Otasi Xorxe Iguain (1957-yil 8-iyunda tugʻilgan) oʻsha vaqtlarda Fransiyaning Brest jamoasida himoya chizigʻida toʻp surardi. Farzandi 10 oylik boʻlganida, ota-onasi Argentina qaytishdi. Shu asnoda Gonsalo Iguain fransuzcha bilmasa ham Fransiyaning pasportiga ega boʻlgan. 2006-yilda Iguainni Argentina ham Fransiya ham oʻz tarkibiga chaqirdi, lekin oʻylab koʻrishga vaqt olgan holda ikkalasiga ham rad javobini berdi. Keyinroq u Argentina terma jamoasi safiga qoʻshilishga qaror qildi^[2]. Gonsaloning katta akasi Federiko Iguain (1984-yil 25-oktabrda tugʻilgan) ham professional futbolchi sifatida „River Pleyt“, „Independiente“, „Beshiktosh“ jamoalari hujum chizigʻida faoliyat olib borgan.

2004—2006 yillar mobaynida „River Pleyt“ safida oʻynab yurdi. 2007-yildan eʼtiboran u Real Madrid jamoasi hujumchisi sifatida maydonga chiqa boshladi. 2008/09 mavsumda Ispaniya chempionati davomida u 22 ta toʻp kiritdi, 2009/10 mavsumda esa 27 ta (chempionat toʻpurarlari roʻyxatida Lionel Messidan keyin ikkinchi oʻrinni egallagan) toʻp kiritgan.

JARda oʻtkazilgan 2010-yilgi Jahon chempionatida 22 yoshli Iguain musobaqaning birinchi xet-trigini Janubiy Koreya darvoza kiritdi (4:1). Gonsalo uchun bu milliy termadagi atigi 7-nchi oʻyini edi. Iguain argentinaliklar orasida Jahon chempionatidagi bitta oʻyinda 3 ta gol urishga muvaffaq boʻlgan Gilermo Stabile (1930) va Gabriel Batistuta (1994 va 1998)lardan keyingi 3-nchi oʻyinchi boʻldi^[2]. Iguainning xet-trigi chempionat tarixidagi 49-nchi va 2002-yildan beri esa 1-nchisi boʻldi. 1/8 finalda Meksika bilan boʻlgan bahsda Gonsalo yana bitta gol urishga muvaffaq boʻldi. 1/4 finalda esa argentinaliklar nemislar tarafidan 0:4 hisobidagi ogʻir magʻlubiyatdan soʻng, musobaqani tark etdilar.

2012-yil 31-martida Gonsalo „Real“ning 2011/12 Ispaniya chempionatidagi 100-nchi golini kiritishga muvaffaq boʻldi.

„Real Madrid“

• Ispaniya chempioni (3): 2006/2007, 2007/2008, 2011/2012
• Ispaniya superkubogi sohibi (2): 2008, 2012
• Ispaniya kubogi sohibi (1): 2010/2011

• 2006-yildagi Argentina chempionatining eng yaxshi oʻyinchisi.

2012-yil 13 may holatiga.

1. ↑ Iguain zabil 700-y gol „Reala“ v evrokubkax^{[sayt ishlamaydi]}
2. ↑ ^{2,0 2,1} Iguain sdelal vibor. I ne progadal (Wayback Machine saytida 2010-06-21 sanasida arxivlangan) — "Sport-Ekspress", 18 iyun 2010

• Real Madrid rasmiy saytidagi sahifasi ^(ingl.)
• ESPN saytidagi sahifasi (Wayback Machine saytida 2010-04-15 sanasida arxivlangan) ^(ingl.)
• FIFA rasmiy saytidagi sahifasi (Wayback Machine saytida 2012-08-18 sanasida arxivlangan) ^(ingl.)
• real-madrid.ru saytida oʻyinchi haqida yangilik va maqolalar