Litio

El litio (dal grego lithos, "piera") el xe on ełemento chìmego che inte ła tabeła periòdega el xe segnà co el sìnboło Li e co el nùmaro atòmego 3. El Litio el fa parte del primo grupo (metałi alcałini). El litio, inte ła so forma s-ceta, el xe on metało tènaro de cołor arxento, che el se òseda rapidamente co el xe in contato co l'aria o l'àcua. El xe el pì lejero dei ełementi sòłidi e el xe prinsipalmente doparà inte łe leghe condutore de całore, inte łe batarie e cofà conponente in racuanti fàrmaghi par el tratamento del disturbo bipołare.