აჭარაშ ავტონომიური რესპუბლიკა

აჭარა მილარე საქორთუოშ ობჟათე-ბჟადალ ნორთის, უჩა ზუღაშ ოძგაშე ზოლს, ობჟათეშე ომძღჷ თურქეთიშ რესპუბლიკა. ფართობი აკმადგინანს 2900 კვ.კმ–ს, მახორობა – მეხოლაფირო 333 953 კოჩი (2014), მახორობაშ მეჭედალა — 115 კოჩის. ავტონომიაშ ადმინისტრაციული ცენტრი რე ნოღა ბათუმი. ავტონომიაშ ტერიტორიას 342 დოხორელილი პუნქტი რე, თენეფ შქას:

• ნოღა — 2: ბათუმი, ქობულეთი;
• დაბა — 7: მახინჯაური, ჩაქვი, ოჩხამური, ქედა, ხელვაჩაური, შუახევი, ხულო.
• ოფუტე — 333.

ავტონომიური რესპუბლიკაშ კონსტიტუციათ კანონიშდუმადვალუ ორგანო რე აჭარაშ ავტონომიური რესპუბლიკაშ უმაღალაში სხუნუ (30 მაკათური), ნამუთ ეშმესხუნუ 5 წანაშ ვადათ. ემაჸონაფალი ორგანო რე მინისტრეფიშ სხუნუ.

• აჭარაშ ავტონომიაშ მადუდე
  • 2001-2004 — ასლან აბაშიძე
  • 2004-2012 ლევან ვარშალომიძე
  • 2012-ამდღარშახ არჩილ ხაბაძე

• უმაღალაში სხუნუშ დუდმახვენჯეფი:
  • 1991-2001 - ასლან აბაშიძე;
  • ???? - გიორგი ცინცქილაძე
  • 2004-2012 - მიხეილ მახარაძე;
  • 2012- შე ავთანდილ ბერიძე.

• მინისტრეფიშ სხუნუშ დუდმახვენჯეფი:
  • ვახტანგ აბაშიძე
  • რევაზ შამილიშვილი
  • როსტომ ჯაფარიძე
  • 2004-2012 ლევან ვარშალომიძე
  • 2012-არჩილ ხაბაძე

აჭარაშ ავტონომიაშ ადმინისტრაციული ართულეფი რე: ნოღაშ მერია — 1, მუნიციპალიტეტიშ გამგეობა — 5, სადაბო ოკათუ (საკრებულო) — 3, ოფუტეშ ოკათუ — 56.

აჭარა აგრარული რეგიონი რე, სოდეთ მეთხოზჷნა სუბტროპიკული კულტურეფიშ (ჩაი, ციტრუსეფი) მოჸუნაფას. შანულამი დარგეფი რე ხოლო: ნაფთობიშ რეწუა, მანქანაშკიდანჯალა დო ტურიზმი. ნაფთობი მოურს ბათუმშე, ნამუთ წჷმარინუანს გაზსადენიშ ეკონია პუნქტის. ბათუმიშ, მუჭოთ ოპორტე ნოღაშ შანულობაქ მირდჷ თურქეთ-საქორთუოშ თანჯაშ გონწყჷმაშ უკული სარფიწკჷმა.

ავტონომიური რესპუბლიკაშ ტერიტორიას იდვალუაფუ ორთაშ, არქიტექტურაშ დო კულტურაშ მიარე ობიექტი:

• გონიოშ ჯიხა
• სხალთაშ ოხვამე
• ბათუმიშ ბოტანიკური ბაღი

1877–78 წანეფიშ რუსეთ–ოსმალეთიშ ლჷმაშ უკული აჭარაშ ტერიტორიაქ რუსეთიშ იმპერიაშ ფარგალეფშა მიშელჷ ბათუმიშ ოლქიშ ჯოხოთ. 1918-20 წანეფს ოკუპირაფილი რდჷ დიო თურქეფშე, უკული ინგლისარეფშე. საქორთუოს სხუნუეფიშ რეჟიმიშ მოულაშ უკული, 1921 წანას დირსხუ აჭარაშ ავტონომიურ რესუბლიკაქ საქორთუოშ აკოდგინალუას. 1990 წანაშ ლიაშე ჯოხო აჭარაშ ავტონომიური რესპუბლიკა.

• აჭარაშ ავტონომიური რესპუბლიკაშ თარობა Archived 2012-01-20 ვებ-ხასჷლას Wayback Machine.
• ნოღა ბათუმიშ მერია
• ტურიზმიშ დო კურორტეფიშ დეპარტამენტი
• აჭარაშ ტელევიზია