გუგენჰაიმიშ მუზეუმი (ბილბაო)
ბილბაოშ გუგენჰაიმიშ მუზეუმი — ალმახანური ხელუანობაშ მუზეუმი ბილბაოს, ბასკეთის, ესპანეთის. თენა ართ-ართი რე სოლომონ გუგენჰაიმიშ ფონდიშ მუზეუმეფშე.
ნოდგჷმიშ სტრუქტურაშ პროექტი ორხველჷ ფრენკ გერიშ არქიტექტურულ ფირმას, ჯარალუაშო 1997 წანას გინწყჷ. მუზეუმიშ ნოდგჷმიშ დიზაინი დო კონსტრუქცია ფრენკ გერიშ სტილიშ დო მეთოდიშ დოგურაფაშ ომინუშე მაგალითი რე. გერიშ შხვა ნახანდეფსალო მუზეუმიშ სტრუქტურა აკმოდირთუ რადიკალურო ნოგაფი ორგანული კონტურეფშე. მუზეუმიშ ნოდგჷმს ნამთინი ბირტყა ჟიდოხი ვაუღჷ თელ სტრუქტურას. ნოდგჷმიშ ნორთის კვათჷნს ავტოსტრადა დო სტრუქტურაშ უდიდაში ნორთი ფორილი რე თხჷთხჷ ტიტანიუმიშ პანელეფით.
ნოდგჷმი, ნამუთ ოპორტე ნოღას გედგჷ, შორშე ერქემამ გემს ქოგჷ. მუში სინთეშ ემასხჷლიტარი პანელეფი ჩხომიშ ქერცას გჷ, მუთ რე გჷმოძახინი გერიშ დიზაინს გომაჟირაფადი შხვა ორგანული ფორმეფიშ დო აკმიწყორუ წყარმალუ ნერვიონწკჷმა, ნამუშ წყარპიჯისსჷთ თინა იდვალუაფუ.
თაშნეშე გერიშ სტილშო ტიპიურო ნოდგჷმი ტექნოლოგიაშ პერიოდიშ უნიკალური პროდუქტი რე. ნოდგჷმიშ კონსტრუქციაშ ქიმინუას უდიდაში თია მეუძღვინს კომპიუტერულ გრაფიკას დო ვიზუალიზაციეფს. კომპიუტერულ სიმულაციეფქ შელებუანობა მეჩჷ ინჟინერეფს უღოლამუდესკო თიცალი ფორმეფი, ნამუთ ორდოიანი პერიოდიშ არქიტექტორეფშო დახე უმეუჭირინდაფუ რდჷ. კონსტრუქციაშ ეგაფაშ ბორჯის ქუაშ პანელეფქ ლაზერით იჸუ ჭკირილქ.
მუზეუმშო თე აბანქ იჸუ გჷშაგორილქ ნოღა ბილბაოშ დო ედომუშამო ბასკეთიშ ეკონომიკური დო კულტურული გინოხალისაფაშ ცადებაშ პროექტიშ დინოხოლე. მუზეუმიშ გონწყჷმაშე ბილბაოქ ხეთე ტურისტეფიშ პოპულარულ აბანო გინირთჷ. მუჭოთ იჩიებუნან, მუზეუმქ ბილბაო მოსოფელიშ რუკას ქიგიოხუნუ.
რესურსეფი ინტერნეტის
რედაქტირაფა- ოფიციალური ვებ-ხასჷლა Archived 2004-01-10 ვებ-ხასჷლას Wayback Machine.
- Guggenheim Museum Bilbao website
- Google Maps satellite view of Guggenheim Museum Bilbao
- Gehry on how to build on time and budget Archived 2007-06-12 ვებ-ხასჷლას Wayback Machine.
- Scholars on Bilbao - academic works that analyse Bilbao's urban regeneration
- Guggenheim Museum Bilbao - Project for Public Spaces Hall of Shame
- Pictures of the Guggenheim Museum Bilbao Archived 2011-10-02 ვებ-ხასჷლას Wayback Machine.
- Guggenheim Museum in an artistic short movie
- Bilbao. Basque Pathways to Globalization Archived 2013-01-22 ვებ-ხასჷლას Archive.is , the first book-length work in English to analyze the relationships between the city of Bilbao and globalization processes.
