დიხაუჩაშ ქერქი

დიხაუჩაშ ქერქი — დიხაუჩაშ ბერჯეკი დაცხი, ნამუთ იფაჩუ მოხოროვიჩიჩიშ ჟიდოხიშ ჟიშე დო ეგაფილიე ქანეფი დო მინერალეფიშე.

მინერალი ართნერი მუშებეფიშ მაღვენჯი გუნაჭყეფი რე. მინერალეფი გჷთმიჭყაფუ, მუჭოთ დიხაუჩაშ სიტომბას, თაშნეშე თიშ ჟიდოხიწკჷმა ხოლო. დიხაუჩას ჩინებული რე 3000 ვითოშშახ ბუნაშ მინერალი. თაჸურეშე 70 ფირჩას რე გოფაჩილი. გორჩქინაშ მეჯინათ მინერალეფს 3 ბუნათ რთუნდეს: მაგმური დჷნოლექი დო მეტამორფული ქანეფო. დიხაუჩაშ ქერქიშ ემაგაფუ ქანეფს შქას 60% მაგმურიე. დიხაუჩაშ სიტომბას გჷთმიჭყაფუ მაღალი ტემპერატურაშ მაღვენჯი ქვანთირი მაგმა. მაგმური ქანეფიე: გრანიტი, ბაზალტი, ანდეზიტი, ვულკანური ტუფი. დჷნოლექი ქანეფი რე სქირონასჷთ დო ზუღეფიშ დო ოკიანეეფიშ ქვინჯის. გჷშმაგორუნა აკნაცჷმაშ, ორგანულ დო ქიმიური გოჭყაფაშ დჷნოლექი ქანეფს. წყარმალუეფიშით გჷნოღალირი ნალასა მოღეშ ქვინჯის აკოშაყარუაშ დო გომანგარაფაშ უკული გჷთმიჭყაფუ.

ორგანული დჷნოლექი ქანეფი ჩხოლარეფიშ დო ჩანარული დოლექუაშ გეშა წჷმიქიმინუ. თეშნერეფიე: ცარცი, კირქუა, ტორფი დო ნოშქერი. ქიმიური გოჭყაფაშ დჷნოლექი ქანიე ქუანოშქერი.