დუდიშალაშ ოპრეზიდენტე მენდალი

დუდიშალაშ ოპრეზიდენტე მენდალი (ინგლ. Presidential Medal of Freedom) რე ჯილდო, ნამუსჷთ ააშ-იშ პრეზიდენტი გინმოჩანს ადამიერს, ნამუქჷთ მიშეღჷ დიდი თია ააშ-იშ უშქურანჯობაშ, ერუანული ინტერესეფიშ გონტკიცაფაშა, ვარდა მოსოფელიშ შვიდობაშ, კულტურაშ დო შხვა დარგეფიშ გოვითარაფაშა. ჯილდო დარსხუ ამერიკაშ პრეზიდენტიქ ჯონ ფიცჯერალდ კენედიქ, 1963 წანას. ჸათე ჯილდოქ დოთირუ წოხოლიან დუდიშალაშ მენდალიშ ჯილდო, ნამუთ დარსხუ 1945 წანას, ჰარი ტრუმენქ. დუდიშალაშ ოპრეზიდენტე მენდალქ შილებე მიაჩას ადამიერს ართიშ მეტიშა ხოლო. მაგალთო კოლინ პაუელი რდჷ ჯილდოშ ლაურეატი ჟირშა. ჯილდო შილებე მიაჩას ადამიერს ღურაშ უკულ ხოლო. მაგალთო, ღურაშ უკულ გინოჩეს ჯილდო ჯონ ფიცჯერალდ კენედის, ლინდონ ჯონსონს, სესარ ჩავესის, გრეის ჰოპერს, ელვის პრესლის დო შხვეფს.

გალერეა

ლინდონ ჯონსონი გინმოჩანს მედალს ასა ფილიპ რენდოლფის. 1964 წანა
რიჩარდ ნიქსონი გინმოჩანს მენდალს დიუკ ელინგტონს. 1969 წანა
ჯიმი კარტერი გინმოჩანს მენდალს არტურ გოლდბერგის. 1978 წანა
რონალდ რეიგანი გინმოჩანს მენდალს დიდა ტერეზას. 1985 წანა
ჯორჯ ჰერბერტ უოლკერ ბუში გინმოჩანს მენდალს მარგარეტ ტეტჩერს. 1991 წანა
ბილ კლინტონი გინმოჩანს მენდალს როზა პარქსის. 1996 წანა
ჯორჯ უოლკერ ბუში გინმოჩანს მენდალს ფრედ როჯერსის. 2002 წანა
ბარაკ ობამა გინმოჩანს მენდალს ოპრა უინფრის. 2013 წანა
დონალდ ტრამპი გინმოჩანს მენდალს ტაიგერ ვუდსის. 2019 წანა

რესურსეფი ინტერნეტის

"Presidential Medal of Freedom" Archived 2009-08-16 ვებ-ხასჷლას Wayback Machine. , an article (undated) from jfklibrary.org, the John F. Kennedy Presidential Library and Museum's official website. Accessed August 22, 2009.
"Presidential Medal of Freedom Recipients", a list of recipients from May 5, 1993, through August 19, 2009, from senate.gov, the U.S. Senate's official website. Accessed August 22, 2009.