მარგული

? მარგული
მენცარული კლასიფიკაცია
ომაფე: ჩანარეფი გჷნართი: პიოლამეფი კლასი: ჟირლებერამეფი რანწკი: ვარდიშნერეფი ფანია: ვარდიშობურეფი გვარი: Prunus გიმენგვარი: მარგული
ლათინური ჯოხო
Prúnus armeniáca
თხილუაშ სტატუსი
სისტემატიკა ვიკინერობეფს სურათეფი ვიკიოწკარუეს

მარგული თაშნეშე ჭაჭი (ლათ. Prúnus armeniáca) — ხილამი ჩანარი ვარდიშნერეფიშ ფანიაშე. ჯაშ სიმაღალა 15 მ-ს ანჭუ. ფურცელი ელიფსური ვარდა განიერმარქვალიშობური რე; პიოლი ჩე ვარდა ვარიშფერი დო ფურცელშე ორდოთ გჷთმიფაჩუ. გუმნაღელი წკამი რე, ხორცამი ვარდა სქირი; უღუ ბუსუსელი, ოშა-გოშათ სიოტა ტყები.

მარგული სინთეშ დო სიტიბაშ მოჸოროფე, გოლოფაგარზე ჩანარი რე. ჯგირო ხარენს ალუვიურ-კარბონატულ ქექე დიხას. მოსალს ირზენს ჸონუაშე მასუმა-მაანთხა წანას. ხენწყილ კლიმატურ პიჯალეფს მოსალიანობა ირწანას 8-12 ტონა რე 1 ჰა-ს .

მარგული კულტივირაფილი რე ოორუე ინდოეთის, ირანს, ჩინეთის, ორუე დო ობჟათე აფრიკას, ოორუე ამერიკას , ავსტრალიას, მორჩილი აზიას, მოლენკავკაციას. მარგულიშ გუმნაღელი იკათუანს შანქარეფს (4-20%), უშქურიშ, ლიმონიშ დო შხვა ბჟელეფს; პექტინოვან ნიბთიარობეფს (0,38-1,27%); კაროტინს (10 მგ%-შახ); თასი — 29-58% ციმუს. გიმირინუანა ლადირო, ჩილათ დო დოკონსერვაფილო (კომპოტი, წვენი დო შხვა).

საქორთუოს მარგულს წკამი კულტურეფიშ ნარგეფიშ 2% უკებჷ. უმენტაშო გოფაჩილი რე კახეთის დო ქართლის. ბჟადალ საქორთუოს მეტსილამობაშ გეშა მერკე ხარენს. დორაიონაფილი ჯიშეფი რე: შალახი, ქორთული აღჯანაბადი, ალიპრიალა (ოკათე სელექციათ აკოქიმინელი აბანური ჯიში). მარგულიშ ლახარეფი რე: კლასტეროსპრიოზი, ბაქტერიული კიბო, ტუტაშფერი სიყორადე; მანებელეფი რე — ჩხვინდმაგჷრძიეფი დო ბიწკამეფი.