ტაიმირიშ ტობა

ტაიმირიშ ტობა (რუს. Таймы́р, Таймы́рское о́зеро) — ტობა რუსეთის, ტაიმირიშ ჩქონიშ ცენტრალურ რეგიონს, კრასნოიარსკიშ აკანს. ტობა იდვალუაფჷ ზუღაშ დონეშე 6 მეტრაშ სიმაღალას, ბირანგაშ გვალეფიშ ობჟათეშე. ტობაშ ფართობი რე 4,560 კვ.კმ., მაქსიმალური სიგინძა 204 კმ. რე დო მაქსიმალური სიგანა 154 კმ. ტობაშ მაქსიმალური სიტომბა 26 მ. რე. ტაიმირიშ ტობა ივანობაშე ეკენიაშახ გოჸინილი რე. ტაიმირიშ ტობას ინაკათუ წყარმალუეფი: ტაიმირა, ზაპადნაია, სევერნაია, ბიკადა-ნგუომა, იამუ-ტარიდა დო კალამისამო. ტაიმირიშ ტობას იდვალუაფჷ 20 კოკი.