ცანდჩორქოამეფი (ლათ. Perissodactyla), ბჟაშუმუეფიშ რანწკიშ ჩხოლარი. ტანო დიდი, ოშა-გოშათ ოშქაშე ზჷმაშ ჩხოლარეფი რე. ბორკეფიშ თარი ლირე ირო მა-3 კითის გინმურს, ნამუთ შხვეფშე უმოსო გოვითარაფილი დო რსხულიშ თარ გიოპონუს წჷმარნუანს. კითიშ ბოლო ფალანგეფი ჩორქოთ რე ფორილი. ცანდჩორქოამეფს ჟილენი ოჭკომალი კიბირეფი, ლექინი ყია, განთხიშ ყვილს მა-3 ციბრუტი (ჭკობაჩორქოამეფშე გინორთი) უღჷნა. ლაბერწი დო ნარღვლიშ ბუშტი ვა უღჷნა, გოფაჩილ რენა აზიას, აფრიკას, ობჟათე დო ცენტრალურ ამერიკას. ცანდჩორქოამეფი ხე ტიოზეფს, ტყა-ველეფს დო შხვა. ცანდჩორქოამეფს ართოული რინაშ წესი უღჷნა, მინშა მორჩილ ბუნეფს აკმოქიმინჷნა. ბიწორას მირულენა, ჩანარობას ჭკომჷა. განგური - წანმოწანაშა 2-შა. პოლიგამიური ჩხოლარეფი რენა. ცანდჩორქოამეფი ხანა ჯგირო გოვითარაფილ 1 ერჩქის. თეხანური ცანდჩორქოამეფიშ 3 ფანია რე ჩინებული: ცხენიშობურეფი, ხვალექაშობურეფი დო ტაპირიშობურეფი. ცანდჩორქოამეფიშ დორჩქავანაფაშ ფორმეფი (ცხენი, გირინი) ედომუშამ მოსოფელს რე გოფაჩილი. ოხერეჭე ჩხოლარი რე. ირდიხას თხილანა.
