წვინარი

წვინარი თაშნეშე წვინორი (ლათ. Lutra lutra) — მახვამილაფარი ბჟაშუმუ ჩხოლარი კვინორიშობურეფიშ ფანიაშე. თიშ რსხულიშ სიგჷნძა რე 55-95 სმ, წონა — 6-10 კგ. კანკალეშა წვინარიშ წონა 17 კგ-შახ ონჭუ. გორგალიშ განშე რუმე ჭუბურო ფერიშ რე, ქვარა გოღია, ვარჩხილიშფერი. გოფაჩილი რე ევროპას, აზიას დო ოორუე-ბჟადალ აფრიკას. საქორთუოს დახე ირდიხას აფხვადჷნა. ვერტიკალურო 2300 მ-შახ ონჭჷ. გიშმაგორჷნს ტყაშ წყარმალეფიშ ძგალეფს, მინშა-მინშა ტობეფს. ჯგირო ნჩურუნს დო ჸვითუნს. ჭკომუნს ჩხომეფს, გორდეფს, წყარიშ მემინდორე ჭუკეფს, კიბოიაშნერეფს, ღვენწკეფს, მაფურინჯეეფს, თინეფიშ მართვეეფს. მაკება 8-10 მარას იგჷნძორებუ. 2 წანაშე ართშა ხანს სუმ გამნაჭყანს. წვინარიშ ბოწოწი ძალამ სქვამი დო გარზე რე.

? წვინარი
მენცარული კლასიფიკაცია
ჟინომაფე: ევკარიოტეფი ომაფე: ჩხოლარეფი ტიპი: ქორდამეფი კლასი: ბჟაშუმუეფი რანწკი: მახვამილაფარეფი ფანია: კვინორიშობურეფი ბუნა: წვინარი
ლათინური ჯოხო
Lutra lutra
თხილუაშ სტატუსი
საფრთხეწკჷმა ხოლოს რინელი IUCN 3.1 Near Threatened : 12419
სისტემატიკა ვიკინერობეფს სურათეფი ვიკიოწკარუეს