ხოსრო II
ხოსრო II, შინელი რე მუჭოთ ხოსრო ფარვიზი ("ხოსრო გომორძგვილი") — სასანიანეფიშ იმპერიაშ შაჰი 590-628 წანეფს.
| ხოსრო II 𐭧𐭥𐭮𐭫𐭥𐭣𐭩 | ||
 | ||
| სასანიანეფიშ იმპერიაშ შაჰინშაჰი | ||
|---|---|---|
| პოსტის გერინაშ ბორჯი | ||
| 590 – 590 | ||
| წიმოხონი | ჰორმიზდ IV | |
| მონძე | ბაჰრამ ჩუბინი | |
| პოსტის გერინაშ ბორჯი | ||
| 591 – 25 ფურთუთა, 628 | ||
| წიმოხონი | ბაჰრამ ჩუბინი | |
| მონძე | კავად II | |
| დუნაბადი | დოხოლაფირო 570 | |
| ნაღურა | 28 ფურთუთა, 628 (57-58 წანერი) ქტესიფონი, სასანიანეფიშ იმპერია | |
| მუმა | ჰორმიზდ IV | |
| ალმასქუ | მარია გორდია შირინი | |
| სქუალეფი | კავად II, ბორანდუხტი, აზარმედუხტი, ფარუხზად-ხოსრო, მარდანშაჰი, შაჰრიარი, ჯუვანშირი, ხოსრო III (?) | |
| რელიგია | ზოროასტრიზმი | |
ხვისტაშა ეშართჷ მუამუშიშ ჰორმიზდიშ ღურაშ უკულ. მარა მალას ხოსრო ქუდახუ მანჯღვერთარქ ბაჰრამ ჩუბინქ. ხოსროქ ხვისტა დირთინუ ბიზანტიაშ იმპერატორიშ მავრიკიოსიშ ალარინათ. სამანგათ ხოსროქ ბიზანტიას გეგნოჩჷ სომხეთი დო ქართლიშ ბჟადალი ნორთი.
ხოსროქ წიმიჭყჷ ხეშუულებაშ კონსოლიდაცია. ნჯარი გეშეღჷ მუამუშიშ მაჸვილარეფიშ. 602 წანას ბიზანტიას ქუმოხვადჷ ოურდუმე გჷნორთაქ. ფოკაქ ნძალაშ გჷმორინაფათ მავრიკიოსი ქუდახუ დო ხვისტა ხეშა ქაშეჸოთჷ. ჸათე ფაქტი ხოსროქ გიმირინუ სამანჯელო ბიზანტიაშ მეხჷ დო ქიდიჭყჷ ლესქერობა. ხოსროშ არმიაქ გემშეჭკირჷ დო ქიდეკინჷ სომხეთი დო მესოპოტამია. ჸათე ტერიტორიას დისლოცირაფილი ბიზანტიური ნძალეფი დაღარი რდჷ. შედეგო, 604 წანას ქუდანთხჷ ნოღეფქ: დარაქ, ამიდაქ დო ედესაქ. უკულ ხოსროქ ევფრატი გეგნოკვათჷ დო გეჭოფუ იერაპოლისი დო ალეპო. წჷმოძინელი ოურდუმე ექსპედიციეფით სპარსალეფქ ქიმიოჭირინეს ცენტრალური ანატოლიაშა. 610 წანას ბიზანტიაშ იმპერატორო გინირთჷ ჰერაკლექ, ნამუქჷთ ხოსროწკჷმა თინჩალა ითხუ.
ლჷმეფქ გეგინძორჷ 613 წანაშე, მუჟამსჷთ სპარსალეფქ მესოპოტამიაშა გემშეჭკირეს. თე წანას გეჭოფეს დამასკო დო 614 წანას იერუსალიმი. სპარსალეფქ ხეშა ქაშეჸოთეს წიმინდე ჯვარი დო ქტესიფონიშა მიდეღეს. 616 წანას ეჭოფილქ იჸუ ალექსანდრიაქ დო 617 წანას ქალკედონქ. მარა უკულიანი პერიოდეფს ინიციატივა გეჭოფჷ ჰერაკლექ, 622 დო 627 წანეფიშ წჷმოძინელი კამპანიეფით. სომხეთიშ სანძღოშ გოხოლუას ბიზანტიარეფქ დამარცხეს დო მოჯალაგეს სპარსალეფი. ხაზარეფიწკჷმა ალიანსით, ხოსროქ გემშეჭკირჷ სომხეთიშა. 624-625 წანეფს ლჷმეფი იბურჯანდჷ ოორუე სირიას დო მესოპოტამიას, სოდეთ ბიზანტიარეფქ შანულამი გომორძგუეფს მიოჭირინეს.
626 წანას ავარეფიშ ელარინათ, სპარსალეფქ კონსტანტინოპოლი ქართას (ალყა) ქინახუნეს. მარა კონსტანტინოპოლქ თინეფს ვეიაჭოფეს. 627 წანას მოხვადჷ გინმაჭყვიდალი ლჷმაქ ნინევიაშ გოხოლუას. სპარსალეფქ კონწარო დემარცხეს. მალას ხოსრო გეგთარაგუ მუში სქუაქ კავად II-ქ. ხოსრო ოჭოფეს დო დოჸვილეს. კავადიქ უკულ ხე ქუმაჭარჷ ოთინჩალე ხეკულუას ბიზანტიაწკჷმა.
