無間道III：終極無間

四年前嘅某一日，諗起一個故事，話俾一個朋友聽，佢好支持我。三年來，呢個故事講咗俾好多監製聽，佢哋都好鍾意，都好支持我，不過唔支持將呢個故事拍成條片。幾年間，呢班人都離開咗，但係呢個故事已經喺腦內開始醞釀，佢已經有足夠嘅力量成為一部電影。

2001年嘅冬天，將呢個充滿影像嘅故事講咗俾劉偉強聽，他同我攞劇本，我話冇。呢個時候我先至知道佢淨係一個故事，冇可能成為電影。嗰年嘅冬天足足三個月響屋企度開始將呢個故事寫成劇本，初時劉偉強過咗幾星期會打電話畀我，淨係話：「寫緊。」兩個月之後莊文強都開始打電話問我：「點呀，係咪好痛苦？」，我只得苦笑。冬天過後，我終於喺電腦檔案上打出咗「The End」兩個字。成個檔案有「378KB」嘅內容，檔案嘅名稱係《無間道》。