英王欽定本

英王欽定本^[1]（英文：King James Version，簡寫 KJV），簡稱欽定本（Authorized Version，簡寫 AV），書面語又譯英王詹姆斯譯本或者英王詹姆斯欽定譯本^[2]，係基督教聖經嘅一個早期新教英文譯本；1604年由英王占士一世欽定翻譯，1611年出版^[2]，之後出過幾次修訂版，直到1769年為止^[3]；到咗2010年代都仲係最多人用嘅英文譯本之一^[4]。

因為17世紀嘅英文同21世紀嘅英文其實相差好遠下，而今gaa1用嘅英王欽定本其實並唔係1611年原版，而係1769年版，佢同原版最明顯嘅分別係啲字唔同串法，但係用字同文法其實亦都有改過^[5][3]。

除咗令平民可以用自己嘅語言睇聖經之外，佢亦視為係文學鉅著；喺19世紀，雨果就曾經評佢係當時對英國文學最有影響力嘅兩樣嘢之一^[6]。

佢最初係由47個學者分6組翻譯^[7]，譯完再交畀其他翻譯校對，咁做被認為係同儕互評嘅雛型^[8]。

喺2015年，全世界估計大約仲有 200 本17世紀印嘅1611年原版聖經^[9]。