金屬活性序

最上邊嘅金屬最活潑，有鹼金屬（銫最勁），最下邊嘅金屬最唔活潑，好似金等。活性序由上至下慢慢減小。呢張表係由金屬同酸、水、氧氣等其他嘢嘅反應同反應速率、程度而決定。

我哋可以用渠去判斷溶液入面唔同金屬離子會唔會置換對方。例如放一塊鋅落硫酸銅溶液，點知鋅會唔會置換出銅？可以去睇下活性序，鋅前過銅，所以活性高過銅。喺失去電子方面，鋅易過銅，會置換出銅，形成硫酸鋅同銅。

其實金屬可唔可以同酸反應，都關活性序事。金屬同酸反應，可以講成置換出氫。氫喺鉛同銻之間，前過氫嘅金屬可以同酸反應，其他就唔得。